As familias do Villa de Pitanxo reúnense co delegado do Goberno e co conselleiro do Mar

Están pendentes das declaracións dos representantes da empresa armadora na Audiencia Nacional

G24.gal 22/11/2023 20:43 Última actualización 22/11/2023 20:58

As familias dos falecidos no afundimento do Villa de Pitanxo, en augas de Terra Nova en febreiro de 2022, reuníronse por primeira vez co delegado do Goberno en Galicia e co conselleiro do Mar.

Tras estas xuntanzas tanto o Goberno central como a Xunta mostraron a súa disposición de estar a carón dos familiares nas súas demandas.

Para as familias dos falecidos o máis importante é que se esclareza a verdade, e piden xustiza. A semana que vén van declarar na Audiencia Nacional os representantes da empresa armadora.

"Nós queremos esclarecer as cousas, queremos xustiza, para os 21 e para a xente do mar porque hai moita xente que está embarcada e moitas familias que están vendo este caso, como se trata", di a voceira das familias dos falecidos no Villa de Pitanxo.

Publicidade
Publicidade
Publicidade
Publicidade
Pódeche interesar

Publicador de contidos