A praga da flavescencia da vide afecta varios concellos de Pontevedra e Ourense

Recomendan arrincar in situ as plantas afectadas en caso de non atoparse agrupadas

 

G24.gal 17/11/2023 20:38

A Xunta amplía os concellos con presenza da praga da flavescencia dourada da vide, que ataca principalmente en O Rosa, A Cañiza, Tomiño e Oia, na provincia de Pontevedra, así como tamén afecta aos municipios ourensáns de Cortegada e Pontedeva. Tamén se estende á zona demarcada das localidades de Gomesende e Quintela de Leirado, na provincia de Ourense.

Dentro da zona delimitada, os titulares das parcelas nas que se detecte a presenza de plantas infestadas ou insectos portadores da enfermidade, deberán aplicar canto antes un tratamento insecticida autorizado.

As plantas con presenza da praga deberán ser arrincadas e destruídas o máis rápido posible. O recomendado é que a destrución se realice in situ.

En caso de que a parcela afectada teña máis dun 20 % de plantas con síntomas, deberán arrincarse e destruírse todas as plantas da parcela, en caso de que as plantas afectadas non estean agrupadas. O mesmo sucede no caso das zonas abandonadas.

Esta enfermidade provocada por un fitoplasma, é transmitida por un insecto ('Scaphoideus titanus'), e pode chegar a causar a morte das cepas.

Publicidade
Publicidade
Publicidade
Publicidade
Pódeche interesar