Falece un mozo de 30 anos tras saír da vía co seu coche en Santiago

Un mozo faleceu na mañá deste mércores nun accidente de tráfico. Viaxaba so no vehículo cando se accidentou na avenida Cruceiro da Coruña. Ás 8:30 horas, os axentes da Policía Local chamaron ao 112 Galicia para solicitar a colaboración doutros servizos de emerxencias no operativo: a situación parecía grave, e era preciso empregar material de liberación para sacar o home.

Todo apunta a que o condutor perdeu o control do vehículo e golpeou bruscamente unha columna de formigón.

Nada máis recibir o aviso, os xestores do Centro Integrado de Atención ás Emerxencias informaron a Urxencias Sanitarias de Galicia-061 e aos Bombeiros de Santiago, que se encargaron de excarcerar á persoa.

O persoal dos servizos sanitarios desprazouse ao lugar a bordo dunha ambulancia e só puido confirmar a morte do home.