Publicador de contidos

Publicador de contidos

Zelenski ao papa: "Non pode haber igualdade entre vítima e agresor"

Zelenski ao papa: "Non pode haber igualdade entre vítima e agresor"

O líder ucraíno pídelle a Francisco que apoie o seu plan de paz, que inclúe que Rusia abandone posicións ocupadas en Ucraína, pero o pontífice limítase a pedir máis esforzos humanitarios

Italia promételle a Zelenski o seu pleno apoio "militar, financeiro e de reconstrución"

Máis de 1.500 policías, ningún obxecto sobrevoando Roma e vixilancia exhaustiva en aeroportos, estacións de ferrocarril e metro son algunhas das medidas extraordinarias de seguridade

O papa, no seu despacho con Zelenski, este sábado no Vaticano
G24.gal 13/05/2023 11:46 Última actualización 13/05/2023 19:45

O papa Francisco e o presidente ucraíno, Volodomir Zelenski, coincidiron "na necesidade de continuar cos esforzos humanitarios para apoiar a poboación" que sofre a guerra en Ucraína.

O Papa e Zelenski reuníronse no Vaticano, por primeira vez desde o inicio da guerra, nun esperado encontro que chega despois de que o pontífice revelara que está en marcha unha misión para poderlle poñer fin á guerra en Ucraína, da que aínda non se coñecen os detalles.

Nun comunicado emitido tras a reunión, o Vaticano explicou que o encontro durou uns 40 minutos e que os temas da conversación se referiron "á situación humanitaria e política en Ucraína provocada pola guerra en curso".

"O Papa asegurou a súa oración constante, testemuñada polos seus numerosos chamamentos públicos e a continua invocación ao Señor pola paz, desde febreiro do ano pasado", cando comezou a invasión rusa que desatou o conflito hai xa máis dun ano.

Ademais, "ambos coincidiron na necesidade de continuar cos esforzos humanitarios para apoiar a poboación" e "o papa subliñou en particular a urxente necesidade de 'xestos de humanidade' cara ás persoas máis fráxiles, vítimas inocentes do conflito".

Antes, Zelenski nunha visita a Roma blindada por medidas extremas de seguridade estivo no Palacio do Quirinal, onde foi recibido por Mattarella. O xefe de Estado italiano sempre foi un atlantista convencido, defensor sen fisuras da posición de Ucraína neste conflito e da necesidade de brindarlle apoio a través da forza militar da OTAN.

“É unha honra recibilo en Roma. Pedín poder reunirme con vostede outra vez despois do noso coloquio de anos atrás nesta condición distinta. Estamos plenamente do voso lado”, afirmou. “Italia estaba e está da parte xusta”, replicou o seu homólogo.

Ao termo da reunión con Mattarella, Zelenski reuniuse coa primeira ministra, Giorgia Meloni, nun encontro que durou uns 70 minutos. É a segunda reunión entre os dous tras a visita da primeira ministra italiana a Kíiv e tiveron a oportunidade de mostrar a súa plena sintonía.

Meloni é una das maiores defensoras do envío de armas a Ucraína para propiciar a vitoria contra Rusia. Ou polo menos, como sinala a miúdo, para permitir que se estableza unha negociación en igualdade de condicións.

“A paz será xusta só se Rusia termina coas súas hostilidades. Non somos tan hipócritas de chamar paz a algo que poida parecerse a unha invasión. Calquera acordo de paz terá que ser compartido por Ucraína. E continuaremos co apoio militar para que poidan chegar a unha mesa de negociacións cunha posición sólida. O contrario sería perigoso para a paz en Europa”, dixo a presidenta do Consello de Ministros.

Meloni mostrou un apoio radical á posición de Zelenski e ás súas aspiracións de entrar na Unión Europa. “Decidimos ter un papel decisivo no apoio da integración de Ucraína na UE”. Tamén se mostrou favorable a que poida entrar na OTAN. O presidente ucraíno agradeceu a axuda de Italia.

O presidente de Italia, Sergio Matarella recibe no Quirinale a Volodimir Zelenski
Publicidade
Publicidade
Publicidade
Publicidade