Zara pechará a primeira tenda que abriu Amancio Ortega na Coruña

Zara, a marca insignia do grupo Inditex, prevé pechar o 30 de xaneiro a primeira tenda aberta hai medio século polo fundador dese multinacional, Amancio Ortega, situada na rúa Juan Flórez da Coruña, informaron este xoves fontes da compañía.

O peche da tenda foi comunicado tanto á propiedade do inmoble onde se sitúa como ás once empregadas da tenda, que Inditex prevé recolocar noutros establecementos da firma na cidade.

Zara abriu é primeira tenda nos números 64 e 66 da rúa Juan Flórez o 9 de maio de 1975, un establecemento con máis de cinco décadas de vendas.

A tenda foi reformada o ano pasado para celebrar o 50 aniversario da compañía cunha rehabilitación en homenaxe á Mariña da Coruña e que ofreceu unha colección exclusiva.
 

Trátase, con todo, dun espazo pequeno que non encaixa co modelo de grandes tendas con novidades tecnolóxicas establecido por Zara, unha firma instaurada nuns douscentos países e territorios.

Aínda que a tenda pechará, ao día seguinte, o sábado 31 de xaneiro, Zara abrirá unha cafetería Zacaffé no seu establecemento da rúa Compostela, na parte de abaixo, con entrada pola praza de Mina. Esa iniciativa xa opera noutros establecementos da cadea Zara, como o da rúa Hermosilla de Madrid ou en grandes cidades da China e do Xapón.

Inditex mantén , con todo, A Coruña, a cidade de orixe desta multinacional téxtil, como un faro para iluminar novos proxectos ou coleccións como referencia para outros establecementos