A tradición dos mecos no Xoves de Compadres mantense viva en Monforte de Lemos

A tradición dos mecos no Xoves de Compadres mantense viva en Monforte de Lemos. Normalmente son as mulleres as que parodian os homes nesta xornada, pero tamén hai quen fai os mecos en grupos mixtos como estes elaborados en equipo polos usuarios dun centro de día.

"A nosa idea é facer sempre as actividades que promove o Concello, como é o caso da tradición dos compadres e comadres. Queremos que eles participen dentro da comunidade e elixen todo: materiais, a roupa dos bonecos, quen quere poñerlle a súa cara...", conta Leticia González, empregada do centro de día Agora.

A temática é do máis variada. Non faltan os temas políticos, os veciños máis ilustres e tampouco a reivindicación social.

"Saíu a temática do prezo da luz e pareceunos unha boa reivindicación", sinala Iván Diéguez, empregado do centro de día Agora.

Os mecos son hoxe os protagonistas e toda unha atracción para os veciños da zona.

"A min gústame facer fotos destes eventos".

Todos se amosan encantados de que siga viva está tradición do Entroido.

"De toda a vida, dende que eu era pequeno sempre houbo comparsas e compadres".

O vindeiro xoves será a quenda dos mecos que parodian as mulleres.