Xinzo prepárase para unha nova fin de semana de Entroido

Entre lusco e fusco, o meco sairá dos baixos do Museo Galego do Entroido para percorrer as rúas de Xinzo. Na súa comitiva, ademais de moreas de limaos vestidos como antano, irán personaxes tradicionais da festa, dende o home da aguillada guiando ao touro ata as corozas ou o home do corno. Douscentos fachóns alumearán a procesión que rematará co coglamento do Meco na Praza Maior. Alí presidirá a festa e presenciará xa o domingo o xogo da olas. Pola mañá será a quenda dos pequenos e pola tarde, dos maiores. 300 olas feitas por un alfareiro de Niñodaguia voarán de man en man ata acabar esnaquizadas.

Un Entroido declarado de Interese Turístico Internacional que se alongará ata o vindeiro 9 de marzo, Domingo de Piñata, cando se descolgue o Meco, gardián da festa.