Vitoria do Noia e empate do Parrulo na xornada de fútbol sala

O Noia Portus Apostoli asina o mellor comezo da súa historia na primeira división de fútbol sala. Superou o Córdoba no Agustín Mourís e chega os 17 puntos en 12 xornadas, nunca acadara tal cantidade nunha primeira volta na primeira división.

Leozin marcou o 1-0 pero xusto antes de chegar o descanso empatou Carlos Gómez. No segundo tempo colleron dous goles de vantaxe. Biel aproveitou a superioridade numérica e Ismael cazou un balón solto un minuto despois. Pescio quixo darlle emoción os últimos intres co 3-2 no 38. O Noia soubo sufrir e queda a un punto do oitavo posto

Entre os oito primeiros está o  Parrulo Ferrol, que continúa co seu gran comezo de temporada no seu regreso á elite. Empatou na Malata ante o Cartaxena, actual campión de liga. Os visitantes gañaban por cero a dous no minuto trece, goles marcados por Pablo Ramírez nunha contra e por Tomaz nunha xogada de estratexia. Gonzalo Santa Cruz recortou distancias no primeiro tempo e Penezio, no 29. acadou o definitivo empate a dous.