Veciños dun edificio de Lugo desaloxan as súas vivendas de madrugada por un incendio
Veciños dun edificio de Lugo desaloxan as súas vivendas de madrugada por un incendio
Sospéitase que o lume se iniciou no enchufe dun electrodoméstico
Tras sufocar o incendio e comprobar que se daban as condicións de seguridade, os residentes puideron regresar ás súas vivendas, agás os do piso en que prendeu o lume
![(Imaxe: Policía Local de Lugo)](https://img-g24-crtvg.flumotion.com/prog24/2024/20240229/incendio-lugo-policia-local-290224.jpg)
Os veciños dun edificio situado na rúa Sanxillao de Lugo tiveron que ser desaloxados durante a madrugada deste xoves despois de rexistrarse un incendio nunha das vivendas do inmoble.
Tal como informou a Policía Local, o lume orixinouse nun enchufe dun electrodoméstico que se atopaba na terrada do piso, polo que tivo que ser sufocado por unha dotación de bombeiros.
Desta maneira, foi necesario o desaloxo de todo o edificio ata que se comprobou que as concentracións de gases non eran tóxicas. Despois os veciños puideron regresar aos seus domicilios, agás os da vivenda afectada, que pasaron a noite cuns familiares.