Veciños do rural de Ourense organízanse para compartiren coche

Compartir coche é unha alternativa de mobilidade máis económica e sostible que conta cada vez con máis usuarios en zonas urbanas, pero que comeza a ter un oco no rural, como unha solución ás dificultades para desprazarse.

Manuel ten unha casa de turismo rural en Montederramo. Viaxa frecuentemente a Ourense. Colga nun grupo de WhatsApp o seu desprazamento.

Ana vive nunha aldea da Teixeira, un dos concellos con menos habitantes e máis envellecido de Galicia. Hoxe viaxará con Manuel.

Coma eles son xa máis de oitenta os veciños de diferentes concellos da zona que forman parte deste grupo.

Unha alternativa de transporte máis económico e sostible.

Unha especie de Blablacar local e de balde que leva anos funcionando nesta zona rural onde a aplicación para compartir coche apenas ten usuarios.