Veciños da Coruña levan máis de dez anos sen poder usar o seu garaxe
Veciños da Coruña levan máis de dez anos sen poder usar o seu garaxe
Non ten accesos nin de entrada nin de saída porque ía ser compartido con otro bloque que non se construíu
Imaxinen que mercan un piso con praza de garaxe, pero que non poden usala. Non é que teña acceso restrinxido, é que simplemente non hai accesos para os coches. A que tiña que ser a porta principal está tapiada.
Di un dos veciños que "son tres plantas con entrada individual a cada unha delas. Non existe posibilidade nin de facer tráfico interior".
O acceso ao garaxe ía ser compartido con outro bloque de vivendas. Pero a construtora quebrou e no seu lugar deixou un soar baleiro, o que é hoxe un aparcadoiro improvisado.
Comentan os afectados que lles dixeron "que tiñamos que comprar piso e planta. Con boa fe entendemos que se construiría para facer o acceso ao garaxe. Falaban de catro ou cinco anos, pero pasou máis do dobre e seguimos igual".
A indignación dos veciños aínda é maior, xa que mensualmente teñen que facer fronte a gastos de mantemento das instalacións. "Falamos de preto de 800 ou 900 euros anuais, gasto por electricidade, revisión de maquinaria. Todo iso hai que pagalo".
E así levan xa máis dez anos. Din que xa non están dispostos a esperar máis, e por iso non desbotan recorrer á vía xudicial.
.png)
