Urxen evacuar unha vila de Ohio ante o perigo de que estoupe un tren con material tóxico
Urxen evacuar unha vila de Ohio ante o perigo de que estoupe un tren con material tóxico
O tren accidentouse a fin de semana e leva días ardendo
O descarrilamento dun tren cargado de material perigoso nos EUA mantén este luns en alerta unha comunidade de Ohio.
As autoridades urxen os habitantes de East Palestine a evacuar ante o perigo dunha explosión de gas. Deberán deixar os seus fogares as persoas que viven a unha milla (1,6 quilómetros) á redonda do sinistro.
Os vagóns están ardendo dende o venres á noite, cando se produciu o sinistro.
Os equipos especializados teñen planeado liberar químicos de polo menos cinco dos vagóns, que se atopan inestables, para reducir o risco de explosión.
O gobernador dixo que será un traballo controlado.
Moitos dos habitantes de East Palestine xa evacuaran durante a fin de semana, pero os funcionarios locais indicaron que máis de 500 residentes se negaron a irse.