Unha vertedura de aceite industrial afecta varias praias de Camariñas

Preocupación en Camariñas por unha vertedura de orixe descoñecida que se estende polas praias da zona. 

A praia da Lobeira e outras da zona sobre todo próximas a Arou e Camelle levan dende hai dous ou tres días tinguidas de amarelo. Mesmo onte apareceu unha pedra de gran tamaño e seis quilos de peso.

É unha especie de graxa, un aceite industrial pegañento de orixe descoñecida polo momento pero que xa está a ser investigado por inspectores da Consellería do Mar que foron avisados polo patrón maior da confraría de Camelle.

O principal temor é que sigan chegando máis nos próximos días e que poida afectar a fauna e os bancos marisqueiros da zona.