Unha muller e o seu fillo morreron este mércores nun accidente de tráfico en Asturias 

Unha muller de 68 anos e o seu fillo de 39 morreron este mércores nun choque frontal entre dous vehículos en Asturias. 

 O sinistro aconceteu pola tarde no corredor do Nalón, á altura de Sama de Langreo, cando un dos turismos invadiu o carril contrario.

Houbo tamén catro feridos de diversa consideración, dous deles foron trasladados a un centro hospitalario.

Os traballos para atender as vítimas e despexar a estrada alongáronse durante case tres horas e provocaron importantes atascos na zona.