O Congreso dos Deputados confirma que pagou a Ábalos máis de 750.000 euros
Os pagos fixéronse en dez anos dende o 2014 e eran retribucións por traballos e dietas
Con esta información solucionase o problema do desaxuste entre as súas contas e as de Facenda
O exministo José Luis Ábalos durante unha conferencia de prensa no Congreso dos Deputados. Europa Press / Fernando Sánchez
O Congreso dos Deputados informou ao Tribunal Supremo (TS) que pagou ao exministro de Transportes José Luis Ábalos máis de 750.000 euros por rendementos do traballo e dietas entre 2014 e 2024.
Este dato responde á falta de sintonía entre a información de Facenda e a que constaba nas contas bancarias do antigo dirixente socialista.
Segundo o resumo das nóminas brutas, a suma total destas retribucións e dietas é de 751.421,56 euros, cifra idéntica á que facilitou Facenda polas retribucións e dietas que o Congreso pagara a Ábalos nesa década.
A UCO advertiu dun desaxuste nas contas bancarias de un total de 79.841,74 euros nese mesmo período.
Esta falta de sintonía foi a que levou a Leopoldo Puente a pedir información ao Congreso sobre os pagos efectuados a Ábalos de calquera tipo entre o 2014 e o 2024.
A UCO apreciou o mesmo desfasamento nas doazóns realizadas neses anos por Ábalos ao PSOE. Segundo Facenda, doou 44.729,29 euros ao partido, pero as contas reflectían 8.471,36 euros.
