Unha muller detida por acoitelar outra nunha lea en Santiago

A Policía Nacional detivo unha muller por causar lesións con arma branca a outra moza nun bar da zona do Ensanche en Santiago de Compostela. Todo comezou como unha no exterior do local.

Unha das mulleres, a vítima, é a parella do cociñeiro e a agresora tivo algún tipo de relación co dono do local. Nun momento sacou unha navalla de sete centímetros e deulle tres coiteladas. A menos grave, no peito, e dúas máis aparatosas nunha perna, porque a vítima sangraba abundantemente. Non tardaron moito en chegar a policía e os servizos sanitarios que a atenderon e levárona en ambulancia ao Hospital Clínico, onde lle deron varios puntos de sutura.  

As testemuñas corroboraron a versión da vítima. A presunta autora dos feitos foi localizada e detida na avenida de Vilagarcía. Agora está acusada dun delito de lesións.