Unha furgoneta de repartimento atropela un matrimonio en Verín
Unha condutora con coñecementos sanitarios auxiliounos ata a chegada do persoal médico
A Policía Local investiga que puido pasar, entre as hipóteses que o condutor se cegase polo sol
O matrimonio cruzaba a estrada as nove da mañá cando foron arrolados por unha furgoneta de repartimento de pan. A parella, de 65 e 67 anos, quedou tendida no chan, malferidos e semiinconscientes.
Foron atendidos polos veciños e por unha condutora que pasaba pola zona con coñecementos sanitarios, ata que chegaron os equipos de emerxencias.
Arestora están no hospital de Verín e o seu prognóstico é grave.
A Policía Local investiga que é o que puido pasar. A escasos metros do atropelo hai un paso de peóns. Investígase se o condutor puido verse cegado polo sol, que a esa hora dificultaba a visibilidade.
Neste barrio de Verín están moi afectados polo acontecido. Tanto o matrimonio coma o condutor son veciños.
.jpg)
.png)