Unha candea acesa, posible causa dun incendio nunha igrexa da Gudiña

Foi contra as sete e media da mañá do domingo cando un veciño da aldea de Parada da Serra se decatou de que saía fume na igrexa. Alertou o resto do pobo e acudiron con mangueiras para intentar sufocar as lapas.

O lume calcinaba un moble empregado antigamente como altar. Tamén calcinou unha imaxe, manteis, lámpadas. A intensa fumareda invadía todo o templo. A pesar diso conseguiron evitar que o incendio se estendera por todo inmoble. 

Sospeitan que  a causa do suceso foi unha candea que puido quedar acesa despois dun funeral celebrado o pasado venres. Están pendentes de avaliar os danos para solicitar a axuda do bispado e poder facer fronte a rehabilitación da igrexa.