Unha cadea de tremores e réplicas sacode Venezuela, un deles de magnitude 6,3
"Ocorreron sismos de 6,3 e 4,0 de magnitude, en total tivemos 21 réplicas e 10 sismos", agregou a vicepresidenta executiva de Venezuela Delcy Rodríguez, quen engadiu que está activa unha falla tectónica no occidente do país
Un sismo de magnitude 6,3 sentiuse este mércores pola noite na rexión occidental de Venezuela e en Caracas, despois de varios rexistrados previamente, un deles de magnitude 5,4, do que informaron horas antes autoridades do país, segundo o Servizo Xeolóxico Colombiano
@SomosFunvisis
A vicepresidenta executiva de Venezuela Delcy Rodríguez anunciou este xoves que se despregaron organismos de seguridade en todo o país despois de que se rexistrasen 10 sismos e 21 réplicas nas últimas sete horas, como parte dun enxame sísmico que afecta o occidente venezolano.
"Felizmente non se reportaron perdas humanas, pero o presidente Nicolás Maduro, en atención a este enxame sísmico, despregou o sistema de protección civil en todo o país", dixo Rodríguez nun contacto telefónico coa canle estatal Venezolana de Televisión (VTV).
A vicepresidenta indicou que tamén se mobilizaron funcionarios dos organismos de seguridade cidadá e da Forza Armada Nacional Bolivariana (FANB). "Ocorreron sismos de 6,3 e 4,0 de magnitude, en total tivemos 21 réplicas e 10 sismos", agregou Rodríguez, quen engadiu que está activa unha falla tectónica no occidente do país.
Un sismo de magnitude 6,3 sentiuse este mércores á noite na rexión occidental de Venezuela e en Caracas, despois de varios rexistrados previamente, un deles de magnitude 5,4, do que informaron horas antes autoridades do país, segundo anunciou o Servizo Xeolóxico Colombiano na rede social X.
O organismo indicou que o movemento telúrico foi de profundidade superficial con epicentro na localidade de Mene Grande, no estado Zulia (noroeste, fronteirizo con Colombia). Igualmente, a Fundación Venezolana de Investigacións Sismolóxicas (FUNVISIS) rexistrou este sismo de magnitude 6.0, como publicou en X, con epicentro a 45 quilómetros ao leste de Bachaquero, no Zulia.
Más cedo, o organismo informou dun sismo de magnitude 5,4 que sacudiu a mesma zona do país suramericano. Ademais do Zulia, usuarios de X reportaron sentir o sismo en cidades dos estados Táchira, Lara, Mérida, Barinas, Trujillo, Aragua, e tamén en Caracas. O gobernador do Zulia, o chavista Luis Caldera, informou este mércores a EFE de que as autoridades da rexión están a avaliar os danos en diversas infraestruturas, como hospitais, igrexas e pontes, tras o sismo de magnitude 5,4.
