Unha avaría deixa Ourense e varias comarcas da provincia sen Internet e teléfono fixo

Moitos veciños de Ourense, clientes de R, están tendo problemas este venres co seu teléfono móbil porque aínda que poden facer chamadas os datos non funcionan ou van moi lentos. Tamén están sen teléfono fixo e servizo de Internet.

Os problemas afectan a Cidade das Burgas e tamén clientes de R das comarcas de Celanova, Trives, Valdeorras ou O carballiño, e tanto particulares como empresas.

Os problemas débense, segundo informou a propia compañía, a unha avaría na rede de telecomunicacións.

R comunicou que se está traballando para recuperar o servizo "o antes posible".