Unai Núñez é o futbolista de campo que máis xoga das cinco grandes ligas

O defensa do R. C. Celta Unai Núñez é o futbolista de campo con máis minutos disputados das cinco principais ligas de Europa, xa que ata o momento só deixou de xogar catro minutos. O excentral do Athletic Club acumula 2.234 se contamos os tempos de prolongación e só foi substituído no minuto 93 do partido que o seu equipo perdeu contra o Barcelona, que levantou un 0-2 na recta final do choque.

Por tanto, Unai Núñez queda a só catro minutos de ser o único futbolista de LaLiga en disputar todos os minutos da competición, un rexistro que só conseguen 11 futbolistas nas principais ligas do continente: Max Kliman (Wolves), Andersen (Crystal Palace) e Saliba (Arsenal); dous na Serie A: Nehuén Pérez (Udinese) e Luperto (Empoli); catro en Líguea 1: Nicolaisen (Tolouse), Dante (Niza), Kenny Lala (Stade Brest) e Abergel (Lorient); e dous na Bundesliga: William Pacho (Eintracht) e Mainka (Heidenheim).