Un vehículo bate contra un poste de formigón en Tui

Un vehículo bateu e derrubou un poste da luz esta madrugada en Paramos, Tui. 

Os feitos ocorreron arredor das cinco da mañá, cando o coche invadiu o carril contrario e derrubou o poste de formigón, afectando o servizo eléctrico. 

O vehículo quedou moi desfeito logo do impacto. Acudiron os bombeiros do Baixo Miño para sacar a condutora do interior do turismo, que quedou ferida.

Finalmente trasladaron a muller ao Hospital Álvaro Cunqueiro de Vigo.