Un veciño de Salceda, en estado grave tras ser asaltado nun parque

Un veciño de Salceda de Caselas está en estado grave na UCI, tras ser localizado tirado nun parque cun golpe na cabeza. Todo indica que puido ser vítima dun roubo violento. O home saíu do centro cultural da vila e volvía á casa camiñando cunha muleta, cando supostamente foi asaltado.

A súa familia saíu a buscalo ao ver que non regresaba ao domicilio. Atopárono malferido e segundo denuncian, faltábanlle 700 euros que levaba enriba.

Á espera de que o home se recupere para tomarlle declaración, a Garda Civil xa ten unha investigación en marcha para esclarecer o suceso.