Un sexto posto que non deixa satisfeito a Rubén Fernández

Cuarto e noveno postos asinou o piloto vigués Rubén Fernández. No global do Gran Premio de Suecia acabou nun sexto posto que non o deixa satisfeito pois tivo ritmo para entrar no podio. A vitoria foi para un Romain Febvre que sae de Suecia cun pleno de puntos -sesenta- e aproveitou a mala xornada do seu rival polo título, Lucas Coenen. O belga afrontaba a proba a nove puntos de Febvre e sae de Suecia a máis de corenta de diferenza moi preto de garantir a chapa vermella ao final da temporada.