Publicador de contidos

Publicador de contidos

Prisión provisional para un dos cinco detidos por unha agresión grupal en Pontevedra

Prisión provisional para un dos cinco detidos por unha agresión grupal en Pontevedra

A agresión comezou sen motivo aparente

O agredido está ingresado na UCI do hospital Álvaro Cunqueiro de Vigo O agredido está ingresado na UCI do hospital Álvaro Cunqueiro de Vigo
G24.gal 09/08/2022 16:13 Última actualización 09/08/2022 19:34

A Policía Nacional detivo cinco mozos vinculados cunha agresión grupal no centro de Pontevedra. O mozo que foi atacado está na Unidade de Coidados Intensivos do Hospital Álvaro Cunqueiro de Vigo.

O Xulgado de Instrución número 3 de Pontevedra decretou prisión provisional, comunicada e sen fianza para un dos cinco detidos. O acusado foi o único que pasou a disposición xudicial, xa que os outros catro quedaron en liberdade en dependencias policiais.

Este mozo sería o presunto autor material da agresión, polo que está investigado por un delito de lesións.

O suceso ocorreu na noite do 21 ao 22 de xullo na rúa Michelena. O agredido, de 35 anos, rematou no chan e sufriu unha forte contusión na cabeza. 

Segundo transcendeu, a liorta desencadeouse sen motivo aparente. Agresores e vítima atopáronse e un deulle un empurrón que o tirou ao chan, provocándolle unha lesión grave.

Durante a investigación, a Policía Nacional revisou as cámaras de seguridade dos establecementos próximos e entrevistaron a varias testemuñas ata que puideron identificar os cinco acusados.

Publicidade
Publicidade
Publicidade
Publicidade
Pódeche interesar

Publicador de contidos