Publicador de contidos
Publicador de contidos

Un pirómano atemoriza A Pobra do Caramiñal

Un pirómano atemoriza A Pobra do Caramiñal

Provocou catro incendios na vila en menos dun mes

A Garda Civil abriu unha investigación para dar co autor dos incendios intencionados

G24.gal 15/05/2024 14:11

Os incendios intencionados son cada vez máis habituais na Pobra do Caramiñal. En menos dun mes rexistráronse catro.

Os dous primeiros iniciáronse o 25 de abril de madrugada e con pouco tempo de diferenza entre un e outro. O obxectivo foron dous colectores do lixo.

Cinco días despois, o 30 de abril, os bombeiros de Ribeira e Protección Civil da Pobra recibían outro aviso. Desta volta as lapas calcinaron catro colectores do lixo e estiveron a piques de queimar un vehículo que estaba nas inmediacións. Tamén comezaron de madrugada.

Unha semana despois, o 8 de maio, rexistrábase en Cabío o incendio máis grave en canto a danos materiais. Como nos casos anteriores, o lume iniciouse nuns colectores do lixo pero acabou calcinando un turismo de alta gama aparcado ao seu carón.

Tanto o propietario do vehículo como os propietarios desta cafetaría onde queimaron todo o mobiliario da terraza denunciaron os feitos ante a Garda Civil de Boiro, que xa abriu unha investigación para atopar o autor ou autores dos incendios.

As primeiras hipóteses apuntan a que todos os incendios intencionados poderían ser obra dunha mesma persoa. 

Os veciños están preocupados por se houbese un pirómano na vila. 

Publicidade
Publicidade
Publicidade
Publicidade
Pódeche interesar