Un morto nun incendio na localidade madrileña de Vallecas

Un home morreu ao incendiarse o seu piso no distrito madrileño de Puente de Vallecas. A vivenda, na rúa Antonio Mairena, comezou a arder a media mañá por causas que se descoñecen.

A rápida actuación dos bombeiros do concello de Madrid permitiu rescatar os dous homes que estaban no seu interior, aínda que un deles morrería pouco despois. O outro sufriu unha parada cardiorrespiratoria, pero os servizos de emerxencia lograron salvarlle a vida.

Tamén houbo que atender unha muller por inhalación leve de fume e a catro veciños maiores que sufriron crises de ansiedade.