Un morto e tres feridos graves nunha colisión frontal en Redondela
Aínda que se investigan as causas do accidente, todo apunta a que o falecido puido sufrir unha indisposición previa á colisión
Unha persoa morreu e tres quedaron feridas nun accidente de tráfico ocorrido na tarde deste xoves na N-552, en Redondela. A vítima mortal, que conducía un Seat branco, invadiu o carril contrario da vía e colidiu frontalmente con outro coche, no que viaxaban unha parella e a sogra. Ata o lugar do accidente achegouse un operativo de emerxencias, que tivo que excarcerar un dos feridos. Os equipos sanitarios só puideron confirmar o falecemento do condutor dun dos coches.
Os tres ocupantes do outro vehículo resultaron feridos de gravidade e tiveron que ser trasladados ao hospital Álvaro Cunqueiro.
🔴 #AXEGAInforma dunha colisión entre dous coches que deixou unha persoa falecida e tres feridas en Redondela.
— 112 Galicia (@112Galicia) December 11, 2025
📍 Km. 1 da N-552.
➡️ O GES de Mos excarcerou un dos implicados.
🔗 https://t.co/C5JQ2abWSo pic.twitter.com/W57kiIO9ur
Aínda que se investigan as causas do accidente, todo apunta a que o falecido puido sufrir unha indisposición previa á colisión.Os veciños alertan da perigosidade desta curva en que xa houbo este ano tres sinistros graves e dous falecidos.
.png)
