Un morto e catro feridos tras impactar un mísil ruso contra a cociña solidaria do chef José Andrés en Khárkiv

Catro persoas integrantes da misión de asistencia humanitaria da ONG, World Central Kitchen, fundada polo cociñeiro José Andrés quedaron feridos como consecuencia do bombardeo ruso contra un restaurante na cidade ucraína de Khárkiv. Morreu ademais unha persoa non afiliada á organización.

Os responsables da ONG aseguran nas redes sociais que ningunha das vidas dos feridos corre perigo.

Precisan que se tratou do impacto dun mísil ruso que destruíu a cociña dun restaurante local que traballaba en asociación con eles.

An update I hoped I’d never have to make. I’m at a @WCKitchen restaurant in Kharkiv, where less than 24 hours ago I was meeting with their amazing team. Today, a missile stuck. 4 staff were wounded. This is the reality here—cooking is a heroic act of bravery. #ChefsForUkraine 🇺🇦 pic.twitter.com/AyU4fUnA61

— Nate Mook (@natemook) April 16, 2022

 O director de World Central Kitchen en Khárkiv asegura que cociñar é un acto heroico de valentía. Aparece diante dun edificio destruído, rodeado de cascallos e varios vehículos calcinados.

A organización de José Andrés participa nunha misión humanitaria para preparar comidas aos ucraínos que viven nas zonas liberadas da invasión rusa, e nas fronteiras cara aos países que están ao oeste de Ucraína.

O propio chef lamentou a "matanza" causada polo bombardeo nunha mensaxe en Twitter. "Os ataques rusos contra edificios civís, mercados, igrexas, etcétera, deben terminar", sinalou.

"A xente de Ucraína merece todo o noso respecto e admiración", insiste José Andrés.

Food heroes them all! Relief that so far that just were 4 wounded…..praying for them! @WCKitchen #ChefsForUkraine we are #FoodFighters but the Russian attacks must stop against civilian buildings and markets and churches and schools etc …… https://t.co/jGO0gLSZvP

— José Andrés (@chefjoseandres) April 16, 2022