Un incendio calcina as instalacións do punto limpo de Baleira
As lapas calcinaron a estrutura da nave, pero os vehículos do parque móbil puideron salvarse
O suceso causou alarma entre os veciños dunha vivenda próxima, que foron os que deron aviso
Un incendio declarado a primeira hora deste mércores calcinou por completo a estrutura da nave do punto limpo do concello lugués de Baleira.
Foi preto das seis e media da mañá cando os veciños espertaron alarmados por fortes ruídos.
" Estábamos durmindo e sentíanse os estalos das chapas. Mirei pola ventá e xs se vian as lapas saíndo polo tellado", conta un deles
Ata o lugar desprazouse o tenente de alcalde de Baleira, que forzou a porta. Deste xeito conseguiron salvar os medios que había no interior. Entre eles, camións de lixo e de obras, ademais de varias máquinas.
"Forzaron a porta coa niveladora que teñen ahí fora e foi a maneira de ir botando auga ata que chegaron os bombeiros" comenta o veciño que ten a casa a carón da nave, conta o veciño
Na extinción do lume participaron os bombeiros de Sarria. Destacaban, ao igual que o alcalde, Ángel Martínez, que só houbo que lamentar danos materiais.
Por fortuna o lume so afectou o interior da nave, e grazas o traballo dos equipos de extinción as lapas non chegaron ata unha vivenda situada a poucos metros das instalacións.
Traballos de extinción no exterior da nave
Na nave había tamén escombros e materiais destinados á reciclaxe, que foron sacados do interior da nave para que acabaran de arder fora das instalacións e os bombeiros puideran combater mellor as lapas.
