Un incencio calcina unha vivenda que unha parella acababa de mercar para restaurar na Baña
Segundo os veciños, o lume puido iniciarse nunha lareira onde fixeran fogueira os donos
A estrutura de madeira do teito favoreceu a rápida propagación das lapas
A vivenda está situada no lugar de Menlle de Arriba, na parroquia de Troitosende. A tranquilidade desta pequena aldea do concello da Baña viuse alterada onte á tarde cando os veciños viron que saía moito fume da cheminea. Acudiron ver que pasaba e intentar axudarlles aos propietarios, pero o lume xa tiña tal dimensión que non podían sufocar as lapas polos seus medios e avisaron os bombeiros de Santa Comba.
Din que o incendio se orixinou no interior da casa, onde o dono prendera lume nunha lareira. Por algún defecto na cheminea, prendeu lume na estrutura de madeira do teito e as lapas propagáronse axiña.
Os veciños lamentan a mala sorte da parella propietaria da vivenda, porque acababan de adquirila para restaurala e residir nela.
Os bombeiros de Santa Comba precisaron pouco mais de media hora para controlar o incendio aínda que os traballos de extinción remataron contra as 7 da tarde. Por sorte, non houbo danos persoais.
