Un golazo de Paula Redruello deixa o Teresa Herrera na Coruña
O Deportivo Abanca impúxose ao Sporting de Braga por 2-0 na presentación diante dos seus seareiros
O Deportivo Abanca impúxose no Teresa Herrera ao Spórting de Braga no partido que servía de presentación desta campaña 25-26 diante dos seus seareiros.
O nome propio do encontro foi Paula Redruello, 'Redru', (2007), que marcou un golazo espectacular no segundo tempo para resolver o partido.
Antes do minuto cinco xa gañaba o equipo coruñés grazas a un remate de Marisa García. Foi moi superior o Deportivo Abanca que dominou o partido e cada vez que aceleraba era capaz de xerar perigo na porta do equipo portugués. O resultado mentres ía cunha diferenza mínima era incerto ata que chegou a xenalidade de Redru para poñer o definitivo 2-0 demostrando que as canteirás petan á porta do primeiro equipo con forza.
