Un cento de debuxantes urbanos de Galicia retratan os detalles da catedral de Ourense
O colectivo DebuxandOu organizou o último dos encontros anuais dos debuxantes de rúa na cidade das Burgas
Cada debuxante achega a súa mirada e debuxa coa súa propia técnica, desde o bolígrafo, o lapis, o rotulador ou a acuarela.
Un cento de debuxantes de rúa de toda Galicia dedicaron a xornada deste sábado a debuxar a catedral de Ourense por dentro e por fóra. O encontro está organizado pola comunidade global Urban Sketchers, que comparten a súa paixón pola pintura feita in situ.
Desde fóra e desde dentro os debuxantes urbanos de toda Galicia retratan a catedral de San Martiño de Ourense. Cada debuxante achega a súa mirada e debuxa coa súa propia técnica, desde o bolígrafo, o lapis, o rotulador ou a acuarela, detalles da catedral de Ourense, como o seu impoñente ciborio ou a policromía do pórtico do Paraíso.
Despois de percorreren as rúas das cidades de Lugo, Vigo, A Coruña e Santiago, os debuxantes urbanos de Galicia rematan os seus encontros anuais en Ourense.
E comparten a súa paixón por debuxar os lugares onde viven ou a onde viaxan e deixan voar a súa arte.
