Un camioneiro de Lugo sae ileso tras envorcar o seu tráiler na A-231 na provincia de León

Un camioneiro de Lugo sufriu un accidente na autovía Camiño de Santiago en León. Trátase dun camión frigorífico que envorcou ocupando os dous carrís da vía en sentido Burgos e obrigando a desviar o tráfico pola Nacional 120.  

Aínda que polas imaxes pareza difícil,  afortunadamente o condutor saíu ileso do accidente.  O suceso tivo lugar pouco despois das catro da mañá do domingo e foron precisas varias horas de intervención ata poder retirar da autovía o tráiler. A envorcadura puido deberse á somnolencia do condutor.