Trump visita en Texas a zona afectada polas inundacións da semana pasada

O presidente dos Estados Unidos visitou a zona de Texas afectadas polas devastadoras inundacións da semana pasada, nas que morreron polo menos 120 persoas. Donald Trump asegurou que nunca vira algo así.

O mandatario norteamericano dixo que ten visto as consecuencias de moitas inundacións e furacáns, pero nunca algo coma o que viu no condado texano de Kerr.

Nesa zona, as chuvias que caeron o 3 e o 4 de xullo deixaron tras de si polo menos 120 mortos, entre os que hai 27 menores. Outras 161 persoas seguen desaparecidas. Os danos materiais son incalculables.

Rexeita as críticas ao sistema de alertas

Donald Trump gabou a resposta dos servizos de rescate, e rexeitou as críticas ao deficiente sistema de alertas á poboación neste tipo de situacións.