Comunidades gobernadas polos socialistas rexeitan o financiamento 'singular' de Cataluña

Esquerra Republicana di que o pacto entre o Goberno e a Generalitat recolle avances respecto o acordado pola formación co PSC no seu día para permitir a investidura de Salvador Illa. Di que a música soa ben, que supón avances pero ainda insuficientes.

"O país necesita máis, necesita máis concreción e menos escenificación", apunta o voceiro de ERC.

Pero o pacto xerou críticas en presidentes autonomicos dun e outro signo político.

"Desde a comunidade de Madrid negámonos a asinar esta sentenza de morte contra España", dixo Díaz Ayuso.

Ao rexeitamento unánime das comunidades gobernadas polo PP sumouse Castela A Mancha e Asturias, con gobernos socialistas.

"Só faltaría que vaimos a un modelo no que en vez de que o Estado redistribúa e reparta sexan as comunidades autónomas as que repartan e o Estado o que mendigue", apuntou García-Page.

"O que afecta a todas as comunidades autónomas debe negociarse entre todas as comunidades autónomas", apuntaba o voceiro do Principado de Asturias.

 Sumar ve con vos ollos un cambio cara un modelo federalistas. E desde a dirección do PSOE e o executivo central  ven unha oportunidade para negociar un novo sistema de financiamento.

"Debemos avanzar para que as comunidades autónomas,  estén mellor financiadas. Todas, Cataluña e o resto. Pero o problema e que dubido que no PP teñan unha única voz", dixo o ministro Óscar López.

"Cota secesionista"

O Partido Popular  e as comunidades nas que gobernan rexeitan o acordo de financiamento non descartan acudir aos tribunais e mesmo ao Constitucional.  O que cualifcan os populares como a "cota secesionista" é un parche, din, abocado ao fracaso, unha moeda de cambio para manter a Sánchez na Moncloa.

"Os recursos de todos non poden estar repartidos por unha minoria. Os cartos de todos os españois non están para financiar o tempo no Goberno de ningún presidente do Goberno", asegurou o líder do PP, Alberto Núñez Feijóo.

O actual sistema de financiamento autonómico leva case doce anos caducado.