Trump quere cambiar o nome ao estado de Novo México por Nova América

O presidente dos EUA Donald Trump suxeriu que o Estado de Novo México debería renomearse e denominarse Nova América. Trump publicou unha fotografia do perímetro do Estado co novo nome, apenas días despois de asinar unha orde executiva para cambiar o nome do Lago Ontario, que fai fronteira entre os EUA e O Canadá, polo de Lago América.

A imaxe, publicada na súa rede Truth Social e compartida pola Casa Blanca en X, mostra a contorna do estado coa palabra México tachada en vermello e substituída por América.

A fotografía retocada non engade ningunha outra mensaxe nin imaxe.

Segundo lembra a cadea CNN, Trump ten a facultade de cambiar o nome de accidentes xeográficos no Sistema de Información de Nomes Xeográficos, pero non ten a capacidade constitucional para cambiar legalmente o nome dos Estados, xa que ese proceso tería que realizarse dentro do propio Estado.

Trump tamén utilizou unha orde executiva para cambiar o nome do Golfo de México por Golfo de América en xaneiro de 2025, no seu primeiro día de regreso ao cargo.

E recentemente suxeriu que o Estreito de Ormuz, en Oriente Medio, e por onde pasa o 20 por cento mundial do petróleo, debería renomearse como Estreito de Trump.