Trump advirte a Irán que ten unha "última oportunidade" para asinar un "bo" acordo

O presidente dos Estados Unidos, Donald Trump, advertiu este luns que as actuais negociacións que están a producirse con Irán son a "última oportunidade" que ten Teherán para asinar un "bo" acordo que poña fin á guerra.

"Estamos a dialogar e facémoso/facémolo a pedimento de Irán, co respaldo de Arabia Saudita, Emiratos Árabes Unidos e Catar, alén doutros países. Todos querían dar unha última oportunidade a este proceso. É unha última oportunidade. É a última ocasión que ten Irán para asinar un bo documento", dixo Trump.

En conversación con xornalistas no Despacho Oval, o mandatario insistiu en que "se isto non sucede, non haberá máis oportunidades".

Durante a xornada houbo confusión acerca do estado das negociacións entre os Estados Unidos e Irán. Mentres Trump aseguraba que esas conversas se ían retomar este luns, e que por ese motivo ordenara a suspensión de novos ataques, o réxime negaba que houbera ningunha negociacón en marcha.

Neste contexto Trump chamou hipócritas aos líderes iranianos e asegurou que esta é súa derradeira baza para acadar un acordo.