A Policía Nacional arresta tres homes en Ourense e comísalles dous machetes e un coitelo

A Policía Nacional detivo tres homes tras unha liorta en Ourense. Unha muller chamou as forzas de seguridade alertándoas de que ela e unha amiga discutiran con outras dúas mulleres nun bar e que despois, unha desas mulleres chegou con tres homes que levaban machetes e coitelos e que, malia que intentaron defenderse, recibiron golpes.

Cando chegou a policía, os tres homes intentaron fuxir, pero, finalmente, foron detidos por varias dotacións de axentes.