Transportes adxudica por 13,7 millóns a conservación de 200 quilómetros de estradas en Lugo
Case 90 correspóndense co trazado da Autovía do Noroeste -A6-, desde o quilómetro 455 (O Cereixal) ata o 540, no límite coa provincia da Coruña
O contrato tamén contempla intervencións na LU-11, en Lugo, e nas estradas N-6 e N-640, na capital lucense, Meira, Pol e Castro de Rei
O tramo da A-6 na provincia de Lugo acumulará a maior parte dos investimentos
O Ministerio de Transportes e Mobilidade Sostible adxudicou por 13,7 millóns de euros un contrato para a conservación e explotación de algo máis de 200 quilómetros de estradas do Estado na provincia de Lugo, dos cales case 90 son de autovías.
Segundo a información facilitada polo propio Ministerio nun comunicado, a duración do contrato é de 3 anos, con posibilidade de prórroga de 2 anos e outra adicional por un máximo de 9 meses.
En concreto, ese contrato foi adxudicado para o mantemento e conservación de 200 quilómetros de estradas, dos cales case 90 correspóndense co trazado da Autovía do Noroeste -A6-, desde o quilómetro 455 (O Cereixal) ata o 540, no límite coa provincia da Coruña, un tramo que pasa polos municipios de Becerreá, Baralla, O Corgo, Castroverde e Guitiriz, entre outros.
Adjudicamos por 13,7 M€ un contrato de tres años prorrogables para conservar 200 km de carreteras en Lugo.
— Ministerio Transportes y Movilidad Sostenible (@transportesgob) May 20, 2025
🛣️ 90 km son de autovía.
📍 Afecta a tramos de la A-6, LU-11, N-6 y N-640.
Detalles de los trabajos y ubicaciones 🗞️ https://t.co/oufwVQ8h6O pic.twitter.com/9kTGuOyCUG
O contrato tamén contempla intervencións na LU-11, no municipio de Lugo, e nas estradas N-6 e N-640, na capital lucense, Meira, Pol e Castro de Rei. Ademais, inclúe as obras de renovación dos pasos de mediana na A-6 na contorna do túnel de Neira.
