Publicador de contidos

Publicador de contidos

Todo listo en Lugo para as festas do San Froilán

Todo listo en Lugo para as festas do San Froilán

Agárdase un 100 % de ocupación hoteleira nas datas sinaladas

O prezo do polbo nas casetas será de 12 €

G24.gal 30/09/2022 19:33 Última actualización 30/09/2022 20:52

As casetas do polbo son toda unha tradición do San Froilán.

Esta noite vana pasar traballando na súa montaxe para poder servir os clientes este sábado ao mediodía.

O prezo da ración é de 12 euros, igual que dende hai seis anos, e os donos das casetas agardan enchelas durante as festas e nestes días previos.

No sector hostaleiro as expectativas tamén son boas.

Xa hai numerosas reservas tanto de mesas para xantar e cear como de cuartos para pernoita. Confían en que o bo tempo previsto anime os visitantes e que nas datas sinaladas do San Froilán se acade un 100 % de ocupación hoteleira.

Os donos das barracas, que levaron a peor parte nos anos da pandemia, tamén esperan facer unha boa caixa nestas festas que pechan a temporada en Galicia.

Así que, se teñen ganas de troula, dende mañá xa poden gozar do polbo e as barracas en Lugo.

Publicidade
Publicidade
Publicidade
Publicidade