Terceira vitoria consecutiva do Ourense C. F. que engala na 2.ª RFEF
Gañou por 2-3 no campo do Zamora con goles de Jerin, Alberto Gil e Amin na primeira metade
O Ourense C. F. sumou a terceira vitoria consecutiva e afástase da zona de perigo na 2.ª RFEF. O equipo de Rubén Domínguez queda a un só punto do quinto posto e deixa o seu rival, o Zamora, nunha situación moi complicada.
O partido comezou cun penalti que non desaproveitou Jerín. Empatou Altube cedo, pero o Ourense C. F. xogou unha gran primeira metade e marchou ao descanso gañando por 1-3. O segundo foi obra de Alberto Gil e o terceiro de Amin. O Zamora quedaba con dez e tivo que afrontar toda a segunda metade en inferioridade.
Xa no segundo tempo acurtou diferenzas o equipo do galego Yago Iglesias cun penalti marcado por Dani Hernández. Os ourensáns manexaron ben o encontro e acabaron levando o triunfo por 2-3.
