Tempo de outono ás portas do verán

De sempre a primavera foi inestable, pero este ano os vaivéns da estación están a ser especialmente abruptos. 

Os 35 graos da pasada semana non eran normais para a época, pero tampouco o son os abrigos acolchados e as botas que hoxe pisaban os charcos da rúa.

Os comerciantes xa teñen os escaparates vestidos de verán, pero estes cambios repentinos desaniman as vendas. 

Así que o mellor nestes días de cambios é tirar pola roupa de entretempo, poñer capas e estar preparados para imprevistos, como fan os peregrinos.

Semella que o tempo mellora cara á fin de semana. Pero non se confíen demasiado, xa saben o que di o refrán: ata o 40 de maio, mellor non quitar o saio.