Cargando resultados...
Temperaturas baixo cero en moitas localidades da provincia de Ourense
Os mercurios chegaron aos 7,5º negativos en Vilas como Baltar, Calvos de Randín, Carballeda de Valdeorras ou A Veiga
G24.gal
27/02/2023 14:46
Temos por diante unha nova semana de frío en toda a comunidade, unha friaxe que se deixou notar especialmente nas últimas horas en Ourense.
Un aviso por baixas temperaturas no sur da provincia alertaba de moito frío durante a madrugada e as primeiras horas do día: -7,5 graos houbo en localidades como Baltar, Calvos de Randín, Carballeda de Valdeorras ou A Veiga.
E moito frío tamén en Xinzo de Limia, onde os termómetros baixaron ata os -6,6 graos.
Iso si, apenas houbo néboa e na maioría da provincia o sol traballou arreo dende primeira hora da mañá, o que fixo máis levadeira esta baixa tan acusada nas temperaturas.