Stellantis Vigo propón un ERE para a extinción de 100 contratos

A factoría de Stellantis en Vigo presentoulle esta mañá aos sindicatos a súa proposta laboral para 2023, que inclúe un ERE coa extinción de 100 contratos a través de baixas voluntarias.

Ademais, enriba da mesa está un novo ERTE para adaptarse ás paradas na produción que recollería ata 90 días de suspensión cando se interrompa a actividade.

Dúas medidas que a empresa relaciona cos problemas loxísticos dos últimos meses e o desabastecemento de microchips.

O xoves celebrarase unha nova xuntanza da mesa negociadora.