Sotolova conduce o Baxi á vitoria ante o Joventut (66-62)
O Joventut mandaba por nove á volta do descanso
Sotolova comandou a reacción do Baxi con nove puntos no terceiro cuarto
E Sotolova volveu para decidir con dúas triplas nos dous minutos finais
Na Malata, o Joventut controlou a primeira parte, 31-36 ao descanso. E no arranque do terceiro cuarto chegou alcanzar os nove de diferenza, pero aí apareceu Sotolova e a súa irrupción foi decisiva para o desenvolvemento do partido. Porque cos seus puntos, nove neste terceiro cuarto, posibilitou a reacción do Baxi e que se chegase con empate a 50 ao final deste período.
E no último, no definitivo, cando o Joventut deu sinal de querer, 55-58 a 1:40 do final, cando parecía que o tiña do seu lado, nese intre volveu Sotolova para anotar dúas triplas nun minuto e reconducir o partido. 61-58, a 45 segundos. Niso que quedaba, intercambio de canastras e tiros libres que acabaron por darlle o triunfo ás ed Ferrol. 65-62.
Sotolova pechou con 20 puntos e 24 de valoración, cunha serie na tripla de 5 anotadas de sete intentos. Decisiva.
