Sorprendente final na Carreira Pedestre de Santiago

Sorprendente final da Carreira pedestre Popular de Santiago, na que Iván Puentes estaba a punto de entrar na praza do Obradoiro como gañador da proba. Sen que el e case ninguén se decatase, David de la Fuente realizou un espectacular esprinte e arrebatoulle a vitoria case sobre a liña de meta. De la Fuente sorprendeu a todos nun dos finais máis impactantes das 46 edicións xa celebradas na carreira pedestre. Menos sorpresas tivo a tudense Uxía Pérez, que se fixo co triunfo na categoría feminina.