Silvio Rodríguez recolle o fusil que pediu para defender Cuba dos Estados Unidos
Entregoullo o ministro das Forzas Armadas no Día Nacional da Defensa
A doazón fíxose en resposta á petición do cantautor"Esixo o meu AKM, se se lanzan".
O goberno cubano entregoulle ao cantautor Silvio Rodríguez o fusil "en xusto recoñecemento á súa patriótica disposición de empuñar as armas para defender a Patria ante calquera agresión", tal e como reflectiu o Ministerio das Forzas Armadas Revolucionarias nas súas redes sociais.
O músico recibiu a arma de mans do ministro, Álvaro López Miera, coincidindo co Día Nacional da Defensa nun acto solemne en presenza do presidente cubano, Miguel Díaz-Canel.
Esta semana o cantautor publicou na súa páxina web persoal, Segunda Cita, o seguinte
"Esixo o meu AKM, se se lanzan. E conste que o digo moi en serio", en referencia a un posible escenario de ataque militar estadounidense a Cuba.
A Illa agarda a chegada, nas próximas horas, dunha flotilla internacional de axuda humanita nun momento de forte escaseza por mor do embargo dos Estados Unidos. Tres barcos con alimentos, medicinas e material enerxético.
