Sen luz pola caída dun raio en Cangas

En Cangas viviron en primeira persoa as consecuencias da forte treboada do martes. Todo comezou co enorme susto que lles deixou a caída dun raio. Os veciños falan dun forte estrondo e aínda teñen o medo no corpo. Din que os coches se moveron e algúns chegaron a pensar que a casa se viña abaixo.

Aseguran que endexamais un raio fixera tanto estrondo. Despois do susto, chegaron as consecuencias. Nalgunhas vivendas de Darbo os contadores voaron e os electrodomésticos quedaron inservibles.

O raio deixo a uns veciños sen luz unhas cinco horas, ata que a compañía eléctrica reparou provisionalmente os danos. Un transformador da zona viuse tamén afectado e algúns usuarios non tiveron subministración ata ben entrada a noite. Os problemas na rede eléctrica afectaron en total a 300 fogares de Cangas.