Segundo día de loito en Marín polos dous menores falecidos en accidente

Segundo día de loito oficial no concello de Marín pola morte de dous menores veciños nun tráxico accidente de tráfico que conmocionou a vila.

As bandeiras ondean a media hasta. Tamén se suspenderon todas as actividades culturais, de lecer e deportivas, entre elas un torneo de fútbol no que ía participar unha das vítimas, que xogaba nun dos equipos do municipio.

A Policía Local de Marín apunta ao exceso de velocidade do coche en que viaxaban os dous mozos falecidos como a causa máis probable do sinistro.

O vehículo perdeu o control e acabou batendo contra un todoterreo que circulaba en dirección contraria. Rubén Farto, de 16 anos, e Brais Sestelo, de 17, ocupaban o asento traseiro, xusto onde se produciu o impacto. 

O condutor do coche é un mozo de 20 anos, que saíu ileso e deu negativo no control de alcol e drogas. Diante ía outra moza, de 18 anos, que resultou ferida pero xa recibiu a alta, igual que os dous ocupantes do outro vehículo. 

Os coches implicados no accidente